ප්‍රභාකරන්ට දැක්මක්
තිබුණා. ප්‍රභාකරන් ඔහුගේ ඉලක්කයට ඉතාම වේගයෙන් ගියා. ශක්තිමත්ව, සැලසුම් සහගතව
ජයග්‍රහණය වෙත දිනෙන් දින ලංවුනා. අවසානයේ
කෝටි සිය ගණනක් දෙමළ මිනිසුන්ගේ වීරයා බවට පත්වුනා. ඔහු සාර්ථකවූ සෑම මොහොතකම
සිංහල -දෙමළ මිනිස්සු කී දෙනෙක්නම් වැලපෙන්නට ඇතිද. ප්‍රභාකරන් යනු එක් උදාහරණයක්
පමණි. සක්විති රණසිංහ, රොහණ විජේවීර, ආර් ප්‍රේමදාස, සරත් ෆොන්සේකා, මහින්ද
රාජපක්ෂ, සොත්ති උපාලි මේ හැමෝම ප්‍රභා අයත් කුලකයේම අන්තර්ගතයකි.
“පෞරුෂත්වය
යනුවෙන් ඔබ අදහස් කරන්නේ මමත්වය කුපිත කිරීමක් හෝ ඇවිස්සීමක් නම් ශක්තිමත් පෞරුෂත්වයක්
යනුවෙන් මට සිතෙන්නේ කණගාටුදායක මෙන්ම තදබල සැකයට භාජනය වන දියුණුව පිළිබඳ මිම්මකි.
හිට්ලර් හා මා ඕ සේතුං ද ශක්තිමත් පෞරුෂත්වයන් තිබූ අය වේ.”
“නැවැත්විය
නොහැකි වෙනස් නොකළ හැකි අධිෂ්ඨානය අවශ්‍යයෙන්ම ධනාත්මක නොවේ. එසේ වන්නේ එය පසුපස
ඇති අරමුණ මතය.”
“ශක්තිමත්
පුද්ගලිකත්වය සහ මනසේ ශක්තිය පටලවා නොගැනීම වැදගත්. මට හමුව ශ්‍රේෂ්ඨ ගුරුවරුන්ට
යටත් නොකළ හැකි මානසික ශක්තියක් තිබිණි. ඔවුනට සිත් ඇදගන්නා පෞරුෂත්ව තිබිණි.
ඔවුන්ගේ ශරීරයන්ගෙන් සොබාවික ශක්ති කදම්බයක් විහිදුණු බව ඔවුන් මුණගැසුනු ඕනෑම
අයෙකුට හැඟිණි. නමුත් විශාල වෙනස වූයේ ඔවුන්වෙත මමත්වයේ අල්පමාත්‍රයක්වත් නොතිබීයි.
(මම අදහස් කරන්නේ ආත්මාර්ථකාමිත්වය හෝ තමා ගැනම සැළකීමට පොළඹවන මමත්වයක් ගැනයි.) ඔවුනගේ
මානසික ශක්තිය ඇතිවූයේ දැනුමෙන්, ශාන්ත භාවයෙන් සහ අභ්‍යන්තර නිදහසෙනි. එය නොසැලෙන ලෙස, ස්ථීරව ඔවුන්ගෙන්
මතුපිටින් පිළිබිඹු වුනි. ඔවුන් හිට්ලර්, මා ඕ සේතුං වැනි අයගෙන් සදහටම ඈතින් සිටි
පුද්ගලයින්ය. එම නම් සඳහන් අයගේ බලවත් පෞරුෂත්වයේ ඵලය වූයේ අනුන් යටත් කිරීමේ
තදබල ආශාව, අහංකාරකම, ලෝභය හා ද්වේෂයයි. අවස්ථා දෙකේම හමුවන්නේ විශාල
බලයකි. පළමු අවස්ථාවේ එය ප්‍රයෝජනවත් පරාර්ථකාමය තැකීමක් වන අතර, දෙවන අවස්ථාව
සෘණාත්මක සහ විනාශකාරී වේ.”
භික්ෂුව සහ දාර්ශනිකයා: ප්‍රංශ ජාතික මැතිවු
රිකාඩ් භික්ෂුව.
No comments:
Post a Comment